धनगढी । रोकेर राखेको ठेलामा मोटरसाइकल ठोक्किँदा कैलालीमा १ जनाको मृत्यु भएको छ ।
कैलालीको धनगढी उपमहानगरपालिका–१८ ‘ई’ गाउँस्थित सडकको छेउमा भुखाली चौधरीले रोकेर राखेको ठेलामा से६प ९७२२ नम्बरको मोटरसाइकल एक्कासि ठोक्किएर बिहीबार साँझतिर दुर्घटना भएको हो ।
दुर्घटनामा मोटरसाइकल चालक कैलारी गाउँपालिका–३ दक्षिण भरडी बस्ने २३ वर्षीय अनुज चौधरीको मृत्यु भएको छ । दुर्घटनामा गम्भीर घाइते भएका उनको सेती प्रादेशिक अस्पताल धनगढीमा उपचारका क्रममा मृत्यु भएको छ ।
दुर्घटना सम्बन्धमा आवश्यक अनुसन्धान गरिरहेको प्रहरीले जनाएको छ ।