धनगढी । कैलालीको धनगढी उपमहानगरपालिका–१ लालीपुल नजिक महराइन इन्स्टिच्युटबाट १ ग्राम ४२० मिलिग्राम लागूऔषध खैरो हेरोइनसहित प्रहरीले २ जनालाई पक्राउ गरेको छ ।
पक्राउ पर्नेमा स्थानीय ३० वर्षीय संजय चौधरी र गौरीगंगा नगरपालिका–८ बस्ने २९ वर्षीय हरिश चौधरी रहेका छन् ।
गोप्य सूचनाको आधारमा जिल्ला प्रहरी कार्यालय कैलालीबाट खटिएको प्रहरी टोलीले चेकजाँच गर्दा आरोपीहरूको साथबाट लागूपदार्थ फेला पारी पक्राउ गरेको छ ।
लागूऔषध सम्बन्धमा थप अनुसन्धान गरिरहेको प्रहरीले जनाएको छ ।