धनगढी । कैलाली जिल्लाको भजनी नगरपालिका–७ हिम्मतपुरस्थित हुलाकी सडक खण्डमा मोटरसाइकल दुर्घटना हुँदा १ जनाको मृत्यु भएको छ ।
सुप प्र ०१००११ प ८०४० नम्बरको मोटरसाइकल आफैं अनियन्त्रित भएर पल्टिँदा आईतबार साँझतिर दुर्घटना हुँदा चालक कैलारी गाउँपालिका–९ गदरिया बस्ने ४३ वर्षीय रतीराम चौधरीको मृत्यु भएको छ ।
दुर्घटनामा गम्भीर घाइते भएका उनको प्राथमिक स्वास्थ्य केन्द्र भजनीमा उपचारको क्रममा मृत्यु भएको छ ।
दुर्घटना सम्बन्धमा आवश्यक अनुसन्धान गरिरहेको प्रहरीले जनाएको छ ।