धनगढी । कैलालीको धनगढी उपमहानगरपालिका–५ भगवती चोकमा ट्रयाक्टरको ठक्करबाट ५ वर्षीया बालिकाको मृत्यु भएको छ ।
से१त ६२०४ नम्बरको ट्रयाक्टरको ठक्करबाट स्थानीय पैदलयात्री ५ वर्षीय सानबी भट्टको बिहीबार साँझतिर मृत्यु भएको हो ।
दुर्घटनामा गम्भीर घाइते भएकी उनको निसर्ग अस्पताल धनगढीमा उपचारको क्रममा मृत्यु भएको छ । ट्रयाक्टर र ट्रयाक्टर चालक भजनी नगरपालिका–६ बस्ने ३५ वर्षीय रामजनम चौधरीलाई प्रहरीले नियन्त्रणमा लिएर दुर्घटना सम्बन्धमा आवश्यक अनुसन्धान गरिरहेको छ ।