धनगढी । प्रहरीले कैलाली र कञ्चनपुरबाट अवैध लागूऔषधसहित २ जनालाई पक्राउ गरेको छ ।
कैलालीको धनगढी उपमहानगरपालिका–२ फनपार्कबाट २ ग्राम ३६० मिलिग्राम लागूऔषध खैरो हेरोइन जस्तो देखिने धुलो पदार्थसहित गोदावरी नगरपालिका–१ बस्ने २५ वर्षीय विजय बिष्टलाई प्रहरीले पक्राउ गरेको छ ।
लागूऔषध नियन्त्रण ब्यूरो शाखा कार्यालय महेन्द्रनगर र जिल्ला प्रहरी कार्यालय कैलालीबाट खटिएको संयुक्त प्रहरी टोलीले शंका लागेर चेकजाँच गर्दा लागूपदार्थ फेला पारी विष्टलाई पक्राउ गरेको छ ।
कञ्चनपुरको बेदकोट नगरपालिका–६ सिसैयाबाट ०.०६ ग्राम लागूऔषध खैरो हेरोइन जस्तो देखिने धुलो पदार्थसहित बेदकोट–७ बस्ने २५ वर्षीय कैलाश पाण्डेलाई प्रहरीले पक्राउ गरेको छ ।
प्रहरी चौकी सुडाबाट खटिएको प्रहरी टोलीले शंका लागेर चेकजाँच गर्दा लागूपदार्थ फेला पारी पाण्डेयलाई पक्राउ गरेको छ । बरामद लागूऔषध सम्बन्धमा थप अनुसन्धान गरिरहेको प्रहरीले जनाएको छ ।