धनगढी । सुदूरपश्चिमका विभिन्न क्षेत्रमा जुवातास खेलिरहेको अवस्थामा प्रहरीले १८ जनालाई पक्राउ गरेको छ ।
डडेल्धुराको अमरगढी नगरपालिका–२ भेलस्थित चन्द्र भण्डारीको पुरानो कुखुरा फर्मभित्र जुवातास खेलिरहेको अवस्थामा स्थानीय २४ वर्षीय विरेन्द्र खडायत समेत ९ जनालाई मंगलबार राति प्रहरीले पक्राउ गरेको छ ।
विशेष सूचनाका आधारमा जिल्ला प्रहरी कार्यालय डडेल्धुराबाट खटिएको प्रहरी टोलीले १३ हजार ३५ रुपैयाँ र तास ३ गड्डीसहित आरोपीहरूलाई पक्राउ गरेको छ ।
अछामको पञ्चदेवल विनायक नगरपालिका–३ कागतोला बस्ने बलबहादुर शाहीको बाँझो घरमा जुवातास खेलिरहेको अवस्थामा स्थानीय ३५ वर्षीय विनोद शाही समेत ९ जनालाई मंगलबार राति प्रहरीले पक्राउ गरेको छ ।
विशेष सूचनाको आधारमा ईलाका प्रहरी कार्यालय विनायकबाट खटिएको प्रहरी टोलीले आरोपीहरूलाई नगद ३६ हजार १०० रुपैयाँ र तास ४ गड्डीसहित पक्राउ गरेको छ ।
जुवातास सम्बन्धमा आवश्यक अनुसन्धान गरिरहेको प्रहरीले जनाएको छ ।