धनगढी । कैलालीको गोदावरीमा साढे ३ किलो अवैध लागूऔषध चरेशसहित १ जनालाई प्रहरीले पक्राउ गरेको छ ।
बझाङको बुङल नगरपालिका–२ घर भएर कञ्चनपुरको कृष्णपुर बस्ने ३५ वर्षीय गोरे धामीलाई चरेशसहित गोदावरीबाट पक्राउ गरिएको प्रहरीले जनाएको छ ।
ईलाका प्रहरी कार्यालय मालाखेतीका प्रमुख प्रहरी नायव उपरीक्षक (डीएसपी) गणेश बरालले धामीले चलाएको से२प २८५७ नम्बरको मोटरसाइकल चेकजाँच गर्दा चरेश बरामद भएको बताए । धामीको साथबाट ३ किलो ५०० ग्राम लागूऔषध चरेश बरामद गरिएको छ । धामीलाई नियन्त्रणमा लिएर अनुसन्धान भइरहेको प्रहरीले जानकारी दिएको छ ।