महेन्द्रनगर । १७औं राष्ट्रिय बुदोकैदो फुल कन्ट्याक्ट् कराँते प्रतियोगिता–२०८० मा शुक्लाफाँटा बुदोकैदो फुल कन्ट्रयाक्ट कराँते शाखाका ६ खेलाडीले पदक जितेका छन् ।
शाखाका प्रशिक्षक लक्ष्मण बोहराले मकवानपुरमा भएको प्रतियोगितामा ६ खेलाडीले पदक जितेका जानकारी दिए ।
शुक्लाफाँटाबाट खेलमा सहभागी खुला तौल समूहतर्फ सागर बिष्ट प्रथम भएका छन् । प्रतियोगितामा बासुदेव खडायत ४० किलो तौल समूहमा प्रथम, प्रशान्त बिष्ट ४० किलो तौल समूहमा द्वितीय, प्रकाश भण्डारी ५५ किलो तौल समूहमा द्वितीय, सरस्वतीकुमारी बोहरा ४५ किलो तौल समूहमा द्वितीय र अस्मिता राना ५० किलो तौल समूहमा तृतीय भएका छन् ।
यसअघि हुने प्रतियोगितामा समेत शुक्लाफाँटाका खेलाडीले पदक जित्दै आएका छन् ।
