धनगढी । कञ्चनपुरको बेलौरी नगरपालिका–१० सडकघाटबाट १ ग्राम ७४० मिलिग्राम लागूऔषध खैरो हेरोइन जस्तो देखिने धुलो पदार्थसहित २ जनालाई पक्राउ गरेको छ ।
ईलाका प्रहरी कार्यालय बेलडाँडी र प्रहरी चौकी भुँडाबाट खटिई गएको संयुक्त प्रहरी टोलीले २२ वर्षीय दिपक चौधरी र ३३ वर्षीय सागर ठगुन्नालाई शुक्रबार साँझ पक्राउ गरेको हो ।
प्रहरी टोलीले सागर ठगुन्नाले सञ्चालन गरेको काठको मिलमा शंका लागि चेकजाँच गर्दा दुवै जनालाई पक्राउ गरेर थप अनुसन्धान गरिरहेको सुदूरपश्चिम प्रदेश प्रहरी कार्यालय धनगढीले जनाएको छ ।