काठमाडौं । काभ्रे जिल्लाको मण्डनदेउपुर नगरपालिकाले आज बिहीबार थकाइ बिदा दिएको छ ।
कार्यालयका सामान ओपारपोसार गर्दा कर्मचारी थकित भएको कारणले देखाउँदै नगरपालिकाले आज बिदा दिएको छ ।
नगरपालिकाले सूचना जारी गर्दै नगरभित्रका सबै सरकारी, गैरसरकारी कार्यालय, विद्यालयमा बिदा हुने जनाएको छ ।
संविधान दिवसका अवसरमा नगरपालिकाको नवनिर्मित भवनबाट सेवा प्रवाह शुभारम्भ भएको हर्षोल्लासको उपलक्ष्य र कार्यालय व्यवस्थापन गर्दा कर्मचारी तथा जनप्रतिनिधि थकित भएकाले बिदा दिइएको नगरपालिकाको सूचनामा उल्लेख छ ।
