काठमाडौं । रौतहट जिल्लामा प्रहरी र स्थानीयबीच झडप हुँदा प्रहरीले हवाई फायरिङ खोलेको छ । झडपलाई नियन्त्रणमा लिन प्रहरीले १४ राउण्ड हवाई फायर गरेको हो ।
बिहीबार दिउँसो राजपुर नगरपालिका–६ स्थित कुडियामा भारतबाट अवैध भैंसी ल्याइएकोमा प्रहरीले नियन्त्रणमा लिन खोज्दा झडप भएपछि १४ राउन्ड हवाई फायर गर्नुपरेको रौतहटका प्रहरी प्रमुख एसपी रविराज खड्काले जानकारी दिनुभयो ।
झडपमा ४ जना प्रहरी घाइते भएका छन् । प्रहरीले भीडलाई तितरवितर पार्न ८ राउण्ड अश्रुग्यास समेत प्रहार गरेको जनाइएको छ ।