धनगढी । प्रहरीले धनगढी उपमहानगरपालिकाका विभिन्न स्थानबाट अवैध लागूऔषधसहित ३ जनालाई पक्राउ गरेको छ ।
कैलाली जिल्लाको धनगढी उपमहानगरपालिका–१७ पथरीबाट शंका लागेर चेकजाँच गर्दा स्थानीय २७ वर्षीय विनोद चौधरीलाई २७० मिलिग्राम लागूऔषध खैरो हेरोइन धुलो पदार्थसहित नियन्त्रणमा लिइएको र थप अनुसन्धान भइरहेको प्रहरीले जनाएको छ ।
यसैगरी, धनगढी उपमहानगरपालिका–१३ कैलाली गाउँमा शंका लागि चेकजाँच गर्दा स्थानीय २५ वर्षीय उमेश राना र १९ वर्षीय रुस्तम रानालाई ५० मिलिग्राम लागूऔषध खैरो हेरोइन जस्तो देखिने धुलो पदार्थसहित नियन्त्रणमा लिइएको र थप अनुसन्धान भइरहेको प्रहरीले जनाएको छ ।