धनगढी । कैलाली जिल्लाको गोदावरी नगरपालिका–५ गेटास्थित आरपी फ्लोर मिल नजिक पिकअप भ्यानको ठक्करबाट १ जना पैदलयात्रीको मृत्यु भएको छ ।
अत्तरियाबाट धनगढीतर्फ आउँदै गरेको सुप प्र ०१–००१ च २९८७ नम्बरको पिकअप भ्यानको ठक्करबाट पैदलयात्री स्थानीय ६५ वर्षीय कृतबहादुर बमको बुधबार साँझतिर मृत्यु भएको छ ।
ठक्करबाट गम्भीर घाइते भएका उनको माया मेट्रो अस्पताल धनगढीमा उपचारको क्रममा मृत्यु भएको छ । पिकअप भ्यान प्रहरीले नियन्त्रणमा लिएको छ ।
फरार रहेका चालकको खोजतलास गर्नुका साथै दुर्घटनामा आवश्यक अनुसन्धान गरिरहेको प्रहरीले जनाएको छ ।