धनगढी । कैलालीको लम्कीचुहा नगरपालिका–३ व्यवस्थितनगरस्थित भित्री सडक खण्डमा ट्रयाक्टरको ठक्करबाट पैदल यात्रीको मृत्यु भएको छ ।
से२त ६४० नम्बरको ट्रयाक्टरको ठक्करबाट पैदलयात्री स्थानीय ५२ वर्षीय केशरबहादुर रावलको आईतवार दिउँसो मृत्यु भएको छ ।
ठक्करबाट गम्भीर घाइते भएका उनको लालरत्न अस्पताल लम्कीमा उपचारको क्रममा मृत्यु भएको छ । ट्रयाक्टर र चालक जानकी गाउँपालिका–५ बस्ने ३० वर्षीय राजाराम चौधरीलाई प्रहरीले नियन्त्रणमा लिएर घटना सम्बन्धमा आवश्यक अनुसन्धान गरिरहेको जनाइएको छ ।