डोटी । जिल्लाको बडिकेदार गाउँपालिका–२ कोटकेनीस्थित टेकबहादुर मगरको १ तले खरले छाएको कच्ची भान्सा घरमा आगलागी भएको छ ।
भान्सा घरभित्र चुलोमा बालेको आगोबाट शनिबार बिहान अचानक आगलागी हुँदा भान्सा घर र भित्र रहेका भाँडावर्तन, अन्नपातमा क्षति पुगेको छ ।
आगलागीबाट अन्दाजी ५० हजार रुपैयाँ बराबरको धनमाल जलेर नष्ट भएको प्रहरीले जनाएको छ । आगलागीबाट मानवीय तथा चौपाया क्षति हुन पाएन ।
आगलागी स्थानीयको सहयोगमा नियन्त्रणमा लिनुका साथै आवश्यक अनुसन्धान गरिरहेको प्रहरीले जनाएको छ ।