धनगढी । कैलाली जिल्लाको लम्कीचुहा नगरपालिका–३ व्यवस्थितनगरमा कच्ची गोठमा आगलागी हुँदा ४ लाखको धनमाल जलेर नष्ट भएको छ ।
स्थानीय केशरबहादुर विकको २ तले काठले बनेको खरले छाएको कच्ची गोठमा बिहीबार बिहान एक्कासि आगलागी हुँदा गोठमा क्षति भएको छ ।
आगलागीबाट गोठमा रहेको धान भएको भकारी, काठपात, गोरुगाडा, पराल, साइकल लगायतका सामानहरू गरी अन्दाजी ४ लाख बराबरको धनमाल जलेर नष्ट भएको छ ।
आगलागीबाट मानवीय तथा चौपाया क्षति नभएको प्रहरीले जनाएको छ । आगलागी प्रहरी, स्थानीय र दमकलको सहयोगमा नियन्त्रणमा लिनुका साथै आवश्यक अनुसन्धान गरिरहेको प्रहरीले जनाएको छ ।