महेन्द्रनगर । कञ्चनपुर जिल्लाको भीमदत्त नगरपालिका–१९ लक्ष्मी टोलस्थित जयबहादुर ऐरको २ तल्ले कच्ची घरमा आगलागी भएको छ ।
अचानक आगलागी हुँदा घरभित्र रहेको भुसा, काठ, पराल लगायतका सामानहरू जलेर नष्ट भएको छ ।
आगलागीबाट अन्दाजी २ लाख ५० हजार रुपैयाँ बराबरको धनमाल जलेर नष्ट भएको छ । प्रहरी, स्थानीय र दमकलको सहयोगमा आगलागी नियन्त्रणमा लिइएको छ ।
आगलागी सम्बन्धमा आवश्यक अनुसन्धान गरिरहेको प्रहरीले जनाएको छ ।