महेन्द्रनगर । प्रहरीले बेवारिसे अवस्थामा १५ लाख रुपैयाँ बराबरको भारतीय जीप बरामद गरेको छ ।
कञ्चनपुर जिल्लाको भीमदत्त नगरपालिका–६ वनगाउँबाट यूपी १४ बीएम ४७८६ भारतीय नम्बर प्लेटको जीप आईतबार दिउँसो बरामद भएको हो ।
जिल्ला प्रहरी कार्यालय कञ्चनपुरबाट खटिएको प्रहरी टोलीले बेवारिसे अवस्थामा फेला पारी जीप नियन्त्रणमा लिएको छ । जीप आवश्यक कारबाहीको लागि भन्सार कार्यालय गड्डाचौकीमा बुझाएको प्रहरीले जनाएको छ ।