मकवानपुर । जिल्लाको थाहा नगरपालिका–८ दामगडेबाट अवैध लागूऔषध गाँजा जस्तो देखिने धुलो करीब ५० किलोसहित २ जनालाई प्रहरीले आईतबार राति पक्राउ गरेको छ ।
पक्राउ पर्नेहरूमा रसुवाको पार्वतीकुण्ड गाउँपालिका–५ घर भई मकवानपुर थाहा नगरपालिका–९ नारायणहिटी बस्ने २७ वर्षीय प्रभात घले र मकवानपुर थाहा नगरपालिका–३ दमकी घर भई सोही नगरपालिका–६ बज्रबाराही बस्ने ३२ वर्षीय रण बहादुर थिङ रहेका छन् ।
ईलाका प्रहरी कार्यालय पालुङबाट खटिएको प्रहरीले गल्छीबाट पालुङतर्फ जाँदै गरेको बा१५च ३९२९ नम्बरको बोलेरो गाडीलाई जाँच गर्ने क्रममा २ वटा बोरामा राखेको गाँजा फेला पारी चालक प्रभात र गाडीमा सवार रणबहादुरलाई पक्राउ गरेको छ ।
गाँजा सम्बन्धमा आवश्यक अनुसन्धान गरिरहेको प्रहरीले जनाएको छ ।