धनगढी । प्रहरीले दार्चुलाको लेकममा भर्जिन, रम र ह्वीस्की बरामद गरेको छ ।
लेकम गाउँपालिका–३ ऐरपाली र लेकम–६ रिठाचौपाताबाट अवैध मदिरा एक्सएक्सएक्स रम ३७ बोतल, ह्वीस्की २३ बोतल, खुकुरी रम १ बोतल, ५२ क्वाटर (भर्जिन, जलजला सौफी र ओरेन्ज) बरामद गरिएको छ ।
ईलाका प्रहरी कार्यालय लाली र ईलाका प्रहरी कार्यालय रिठाचौपाताबाट खटिएको प्रहरी टोलीले लुकाइछिपाई राखेको अवस्थामा अवैध मदिरा फेला पारी नियन्त्रणमा लिएको प्रहरीले जनाएको छ ।