महेन्द्रनगर । कञ्चनपुरको भीमदत्त नगरपालिका–४ लिटिल बुद्ध स्कूल नजिकबाट प्रहरीले लागूऔषधसहित ३ जनालाई पक्राउ गरेको छ ।
प्रहरीले ०.४२ ग्राम लागूऔषध खैरो हेरोइन जस्तो देखिने धुलो पदार्थसहित ३१ वर्षीय संजय थापा समेत ३ जनालाई पक्राउ गरेको छ ।
नेपाल प्रहरी प्रदेश कार्यालय महेन्द्रनगर, जिल्ला प्रहरी कार्यालय कञ्चनपुर र लागूऔषध नियन्त्रण ब्यूरो शाखा कार्यालय महेन्द्रनगरबाट खटिएको संयुक्त प्रहरी टोलीले शंका लागेर चेकजाँच गर्दा लागूपदार्थ फेला पारेको थियो । आरोपीहरूले प्रयोग गरेका नेपाली नम्बर प्लेटको सुप प्र ०२००४ प १८५५ र भारतीय नम्बर प्लेटको यूके ०३ बी १८१३ मोटरसाइकल समेत बरामद भएको छ ।
लागूऔषध सम्बन्धमा थप अनुसन्धान गरिरहेको प्रहरीले जनाएको छ ।