काठमाडौं । प्रधानमन्त्री पुष्पकमल दाहाल ‘प्रचण्ड’ आज आईतबार स्वदेश फर्किंदैछन् ।
जलवायु परिवर्तन सम्बन्धी संयुक्त राष्ट्रसंघीय संरचना महासन्धिको २८औं सम्मेलन (कोप–२८) मा सहभागी हुन संयुक्त अरब ईमिरेट्स (यूएई) गएका प्रधानमन्त्री आज आईतबार साँझ स्वदेश फर्किंदैछन् ।
प्रधानमन्त्री प्रचण्ड फ्लाई दुबईको उडानमार्फत् आईतबार साँझ काठमाडौं आइपुग्ने कार्यतालिका रहेको छ ।
प्रधानमन्त्री प्रचण्डले शनिबार कोप २८ मा सम्बोधन गरेका थिए । प्रधानमन्त्री प्रचण्डले विश्वव्यापी उत्सर्जनमा लगभग शून्य योगदान रहे पनि नेपालले जलवायु परिवर्तनको प्रत्यक्ष, असमान र हानिकारक प्रभाव झेलिरहेको बताए ।