धनगढी । कैलाली जिल्लाको भजनी नगरपालिका–४ बिजुलीयामा करेन्ट लागेर १ जनाको मृत्यु भएको छ ।
स्थानीय ४० वर्षीय खुसीराम चौधरीको करेन्ट लागेर शुक्रबार साँझतिर मृत्यु भएको प्रहरीले जनाएको छ ।
घरको पंखामा बिजुलीको तार जोड्ने क्रममा करेन्ट लागेर गम्भीर घाइते भएका उनको घोडाघोडी अस्पताल सुखड कैलालीमा उपचारको क्रममा मृत्यु भएको सुदूरपश्चिम प्रदेश प्रहरी कार्यालय धनगढीले जानकारी दिएको छ ।
घटना सम्बन्धमा आवश्यक अनुसन्धान गरिरहेको प्रहरीले जनाएको छ ।