धनगढी । दार्चुला जिल्लाको दुहुँ गाउँपालिका–३ राताकाठामा चामल बोकेको मिनी ट्रक दुर्घटना हुँदा १ जनाको मृत्यु भएको छ ।
धनगढीबाट चामल बोकी बोहरीगाउँतर्फ जाँदै गरेको से१ख १२५२ नम्बरको मिनी ट्रक एक्कासि सडकबाट अन्दाजी २००–२५० मिटर तल महाकाली नदी किनारामा खसेर दुर्घटना भएको हो ।
दुर्घटनामा बोहरीगाँउका ५४ वर्षीय करनसिंह बोहराको घटनास्थलमा नै मृत्यु भएको छ । दुर्घटनापछि फरार रहेका सवारी चालकको खोजतलास गर्नुका साथै प्रहरीले थप अनुसन्धान गरिरहेको सुदूरपश्चिम प्रदेश प्रहरी कार्यालय धनगढीले जनाएको छ ।