धनगढी । सुदूरपश्चिम प्रदेश प्रहरी कार्यालय धनगढी र ईलाका प्रहरी कार्यालय भजनीबाट खटिएको प्रहरी टोलीले कैलालीको जोशीपुर गाउँपालिका–५ वनकट्टाबाट १० जना जुवाडेलाई पक्राउ गरेको छ ।
स्थानीय प्रवेश चौधरीको कुखुरा फार्ममा जुवातास खेलिरहेको अवस्थामा प्रहरीले १० जनालाई बुधबार राति पक्राउ गरेको हो ।
गोप्य सूचनाका खटिएको संयुक्त प्रहरी टोलीले १ लाख १३ हजार रुपैयाँ नगद र ४ बुक ताससहित पक्राउ गरेको छ । जुवातास सम्बन्धमा ईलाका प्रहरी कार्यालय भजनी कैलालीले थप अनुसन्धान गरिरहेको सुदूरपश्चिम प्रदेश प्रहरी कार्यालय धनगढीले जनाएको छ ।