बुटवल । नेकपा एमाले लुम्बिनी प्रदेशको पहिलो अधिवेशनमा चुनाव हुने भएको छ ।
प्रदेश अध्यक्ष पदमा राधाकृष्ण कँडेल र हरि रिजालको उम्मेदवारी दर्ता भएको छ ।
रुपन्देहीको बुटवलमा जारी प्रदेश अधिवेशनमा नेतृत्व चयनका लागि आइतवार निर्वाचन प्रक्रिया अगाडि बढेको हो । सहमतिका लागि भएको प्रयास सफल नभएपछि निर्वाचन प्रक्रिया अगाडि बढेको छ ।
प्रदेश कमिटीमा नयाँ नेतृत्व चयन गर्दै अधिवेशन सोमबार सम्पन्न गर्ने तयारी छ । अधिवेशनको एमाले अध्यक्ष केपी शर्मा ओलीले शनिबार उद्घाटन गरेका थिए । उद्घाटन कार्यक्रममा अध्यक्ष ओलीले सहमतिबाट नेतृत्व चयन गर्न निर्देशन दिएका थिए ।