धनगढी । आज शनिबार र भोलि आईतबार छठ पर्वको बिदा देशैभर परेको छ । तर बैतडीको शिवनाथ गाउँपालिकामा भने लगातार ४ दिन बिदा हुने भएको छ ।
गाउँपालिकाले मंसिर ४ र ५ गते सार्वजनिक बिदा दिने निर्णय गरेपछि बिदा लगातार ४ दिन पुगेको छ ।
गाउँपालिकास्थित प्रसिद्ध शिवनाथ धाममा लाग्ने मेलाका लागि मंसिर ४ र ५ गते सार्वजनिक बिदा दिइएको गाउँपालिकाका अध्यक्ष कर्णसिंह साउँदले सूचनामार्फत जनाएका छन् ।
गाउँपालिका भित्रका सम्पूर्ण शिक्षण संस्था, सरकारी तथा गैरसरकारी निकायमा सार्वजनिक बिदा दिइएको अध्यक्ष साउँदले जनाएका छन् । शिवनाथ मन्दिरमा हरेक वर्ष कात्तिक शुक्ल सप्तमी र अष्टमीका ठूलो जात्रा लाग्ने गरेको छ ।
विगतका वर्षमा पनि गाउँपालिकाले शिवनाथ जात्राको अवसरमा सार्वजनिक बिदा दिँदै आएको थियो ।
यस्तो छ बिदा सम्बन्धी सूचना –
