धनगढी । कैलालीको धनगढी उपमहानगरपालिका–२ बजारस्थित ट्राफिक चौराहमा सञ्चालित जुवाखालमा प्रहरीले छापा हानेको छ ।
वडा प्रहरी कार्यालय धनगढीबाट खटिएको प्रहरी टोलीले ट्राफिक चौराहस्थित आनन्द केसीको घरमा सञ्चालित जुवाखालमा छापा हानेको हो ।
प्रहरी टोलीले जुवातास खेलिरहेको अवस्थामा स्थानीय ५० वर्षीय दिपेन्द्र भण्डारी समेत ७ जनालाई शुक्रबार साँझतिर पक्राउ गरेको सुदूरपश्चिम प्रदेश प्रहरी कार्यालय धनगढीले जनाएको छ ।
जुवाखालबाट नगद १ लाख ६४ हजार ३८० रुपैयाँ, मोबाइल ९ थान, ३ गड्डी तास बरामद गरिएको छ । प्रहरीले जुवातासबारे आवश्यक अनुसन्धान गरिरहेको जनाइएको छ ।