महेन्द्रनगर । सुदूरपश्चिमाञ्चल विश्वविद्यालय प्राध्यापक संघको सभापति पदमा डा. राजेन्द्रवीर चन्द निर्वाचि भएका छन् ।
संघको दोस्रो अधिवेशनबाट चन्दको नेतृत्वमा ११ सदस्यीय समिति गठन भएको छ ।
समितिको उपसभापतिमा महेन्द्रबहादुर चन्द, महासचिवमा मानबहादुर चन्द, सचिवमा ईश्वर हमाल र कोषाध्यक्षमा गिरिराज कडायत निर्वाचित भएका छन् ।
समितिको सदस्यमा ईशा जोशी, धाना धामी, दानबहादुर मडै, राजेन्द्रप्रसाद जोशी, केशवबहादुर थापा र धनसिंह बिष्ट निर्वाचित भएका छन् ।
संघको निर्वाचनमा ५२ मत खसेको थियो । ११ पदका लागि भएको निर्वाचनमा १३ जनाले प्रतिस्पर्धा गरेका थिए ।