एमाले सांसदले सभामुुखको चेम्बर घेराउ गरेपछि…

नेकपा एमालेका सांसदहरुले सभामुुख अग्नि सापकोटाको चेम्बर घेराउ गरेका छन् । पार्टीले कारवाही गरेका १४ जना सांसदलाई पदमुक्त गरेको सूचना टाँस्न दबाब दिँदै कार्यालय शुरू हुनासाथ आफ्नो कार्यकक्षमा पुगेको खबर पाएपछि सभामुख अग्नि सापकोटा आज कार्यालयमै गएनन् ।

एक घण्टा पर्खिँदा पनि सभामुख नआएपछि एमाले सचेतक शान्ता चौधरीले फोन गरेकी थिइन् । चौधरीसँगको कुराकानीमा सापकोटाले आज कार्यालयमै नआउने जानकारी दिएपछि आफूहरू बाहिरिएको एमाले सांसद गोकुल बास्कोटाले बताए ।
उनले भने, ‘सभामुख हामीसँग फेस गर्न नसकेर बाहिर–बाहिरै एमालेविरुद्धको षडयन्त्रमा सामेल भएको पुष्टी भएको छ । एमाले विभाजनको षड्यन्त्र उहाँका लागि आगागी दिनमा महँगो पर्नेछ । प्रमुख प्रतिपक्षबाट भागेर उहाँले संसद कसरी चलाउनुहुन्छ ? हामी हेर्छौं ।’
एमालेले माधव नेपालसहित १४ जनालाई कारवाही गरेर सांसदबाट पदमुक्तको सूचना संसद सचिवालय र निर्वाचन आगयोमा भदौ १ गते पठाएको थियो ।

राजनीतिक दलसम्बन्धी ऐन अनुसार संसद अधिवेशन नचलेको बेला दलले गरेको कारवाहीको सूचना तत्काल संसदको सूचना पाटीमा टाँस्नुपर्नेमा सभामुखले गैरकानूनी काम गरेर एमाले फुटाउने मतियारको भूमिका खेलिरहेको सांसद कृष्णभक्त पोखरेलले बताए ।

 

सम्बन्धित
Loading...