काठमाडौं । भारतमा कोरोना भाइरस संक्रमणले भयावह रूप लिन थालेको छ ।
संक्रमण भयावह रूपमा फैलिएपछि एकैदिन ३८ हजार ९०२ जना नयाँ संक्रमित थप भएका छन् ।
भारतको स्वास्थ्य मन्त्रालयका अनुसार भारतमा कोरोना भाइरस संक्रमितको कूल संख्या १० लाख ७७ हजार ६१८ पुगेको छ । संसारभर संक्रमणको हिसाबले भारत बढी संक्रमित हुने देशको तेस्रो नम्बरमा छ । भारतभन्दा बढी संक्रमित ब्राजिल र अमेरिकामा छन् ।
भारतीय सञ्चारमाध्यमका अनुसार भारतमा एकैदिन कोरोनाका कारण ५४३ जनाको मृत्यु भएको छ । भारतमा कोरोना भाइरसबाट मृत्यु हुनेको संख्या २६ हजार ८१६ पुगेको स्वास्थ्य मन्त्रालयले जनाएको छ ।
भारतको महाराष्ट्रमा कोरोना संक्रमितको संख्या ३ लाख नाघेको छ भने तामिलनाडुमा १ लाख ६५ हजारभन्दा धेरैमा कोरोना संक्रमण पुष्टि भएको छ । दिल्लीमा १ लाख २१ हजारभन्दा धेरै कोरोना संक्रमित देखिएका मन्त्रालयले जनाएको छ ।
भारतमा हालसम्म ६ लाख ७७ हजार ४२३ संक्रमित अस्पतालबाट उपचारपछि डिस्चार्ज भएर घर फर्किएका छन् ।