रोकिराखेको मोटरसाइकलमाथि एक पुरुषको शव भेटिएको छ। सोमबार राति विराटनगर महानगरपालिका–५ बिजुली अफिस चोकमा मोटरसाइकलमा बसेको जस्तै अवस्थामा शव भेटिएको प्रहरीले जनाएको छ।
को ४प २३१६ नम्बरको मोटरसाइकलमा मृत भेटिएका व्यक्ति विराटनगर–५ मुनालपथका ४८ वर्षीय सुदर्शन न्यौपाने रहेको बताइएको छ।
शव भेटिएपछि प्रहरीले पोष्टमार्टमका लागि कोशी अस्पताल विराटनगर पठाएको जनाएको छ। मोटरसाइकलमा बसेको जस्तै अवस्थामा शव भेटिए पनि घटना शंकास्पद रहेको प्रहरीले जनाएको छ।