नेकपा एमालेको आन्तरिक एकता कायम गर्न गठित वार्ता टोलीको बैठक अर्थमन्त्रालयमा शुरु भएको छ ।
माधव नेपाल पक्षधर वार्ता टोली सदस्यहरु नेपाल निवासमा छलफलमा जुटेकाले डेढ घण्टा ढिला बैठक शुरु भएको हो । यसअघि वार्ता टोलीले जुटाएको सहमतिको मस्यौदामा हस्ताक्षर गरेर आजै स्थायी कमिटी बैठकमा पेश गर्ने तयारी छ ।
वार्ता टोली सदस्य गोकर्ण विष्टले आजै सहमतिको सुखद खबर आउने प्रतिक्रिया दिए । वार्ता टोलीले यसअघिनै ९ बुँदे मस्यौदामा सहमति जुटाइसकेको छ । सहमति १० बुँदे हुन पनि सक्ने एक सदस्यले बताए ।
माधव नेपालले दोस्रो अध्यक्ष मागेका छन् । तर कार्यदलको क्षेत्राधिकारमा त्यो नरहेकाले सहमति जटिल बनेको बताइएको छ । यो विषय केपी ओली र माधव नेपालबीच छलफल हुनुपर्ने उनीहरुका भनाइ छ ।
माधव नेपालले अदालतको फैसलालाई प्रभावित पार्ने गरि कुनै सम्झौता हुन नहुने अडान लिएका छन् भने अध्यक्ष केपी शर्मा ओली अदालतको फैसलाअघि नै एमाले एक छ भन्ने सन्देश दिन चाहान्छन् ।