कञ्चनपुरमा लागुऔषधसहित दुई युवक पक्राउ परेका छन् ।
विशेष सूचनाका आधारमा खटिएको टोलीले बेलौरी नगरपालिका-८ बाट लागुऔषधसहित सोही ठाउँका २८ वर्षीय सुरेन्द्र विष्ट र २२ वर्षीय सन्तोश रानालाई पक्राउ गरेको हो ।
जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले उनीहरुको साथबाट ९।०८ ग्राम लागुऔषध खैरो हिरोइन बरामद गरिएको जानकारी दिए ।
दुवै जना सवार सुप.प्र०१.००८ प ८५९ नम्बरको मोटरसाइकल समेत नियन्त्रणमा लिइएको छ । उनीहरुमाथि अदालतबाट म्याद थप गरेर अनुसन्धान भइरहेको प्रहरीले जनाएको छ।